Tirkiye

Wezîr Soylu li Katoyê ye

Wezîrê Karên Navxweyî Suleyman Soylu li Beytuşşebaba navçeya Şirnexê li ser Çiyayê Katoyê ku 40 roj in li dijî terorîstên PKKyî operasyon dewam dike, leşker û gundparêz ziyaret kirin.

28.05.2017 - Rojanekırın : 29.05.2017
Wezîr Soylu li Katoyê ye

Şırnak

ŞIRNAK

Wezîrê Karên Navxweyî Suleyman Soylu li Beytuşşebaba navçeya Şirnexê li ser Çiyayê Katoyê ku 40 roj in li dijî terorîstên PKKyî operasyon dewam dike, leşker û gundparêz ziyaret kirin.

Soylu û Fermandarê Giştî yê Cendirmeyan Yaşar Guler bi balafira taybet va çû Şirnexê û li Balafirgeha Şerafettîn Elçî ji aliyê Waliyê Şirnexê Alî Îhsan Sû û Tumgeneral Aydogan Aydinê Fermandarê Tumena Sînor yê 23yemîn va hat pêşwazîkirin.

Soylu li Balafirgehê firokeyê siwar bû û derbasî Çiyayê Katoyê bû û leşker û gundparêzên ku 40 roj in di şert û mercên dijwar da li dijî PKKya rêxistina terorê operasyonê dikin, ziyaret kir.

Soylu leşkerên ku di 53 şikeftan da gelek çek û muhîmatên terorîstên PKKê bi dest xistin, pîroz kir û der heqê operasyonê da ji Tumgeneral Aydin û Albay Murat Bulutê Fermandarê Alaya Komandoya Cendirmeyan a 8emîn a Beytuşşebabê agahî hilda.

Wezîr Soylu li wê derê ji Serokomar Recep Tayyîp Erdogan ra têlefon vekir û der heqê operasyonan da agahî dayê. Serokomar Erdogan bi Tumgeneral Aydin ra jî axivî.

Tumgeneral Aydin ji Serokomar ra qala operasyonê kir û got ku di dîroka têkoşîna terorê da ev qas çek nehatibûn dîtin û wê hê zêdetir jî derkevin.

Soylu paşê bi firokeyê derbasî Fermandariya Alaya Komandoya Cendirmeyan a 8emîn a Beytuşşebabê bû û li çekan mêze kir.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın