مانگی سوری تورکی یارمەتی گەیاندە کەمپی خازر
نوێنەری مانگی سوری تورکی لە عێراق، سەردار یەڵماز: "رۆژانە ٥ هەزار سەموون دروست دەکەین و بەسەر کەمپەکان دابەش دەکەین و لە ساڵی ٢٠١٤ تا ئێستا ٢٧١ ئاژەڵمان سەربڕیووە و بەسەر ١٠ هەزار کەسمان دابەشکردووە".
Arbil
هەولێر
مانگی سوری تورکی هەندێک هاوکاری و یارمەتی گەیاندە کەمپی خازر و بەسەر ئاوارەکانی ناو کەمپەکەی دابەشکرد.
نوێنەری مانگی سوری تورکی لە عێراق ئاماژە بەوە دەکات کە تا ئێستا ژمارەیەکی زۆر هاوکاریی و یارمەتییان گەیاندووەتە ناوچە جیاجیاکان لە سەرتاسەری عێراق.
نوێنەری مانگی سوری تورکیا لە عێراق، سەردار یەڵماز لە لێدوانێکی بۆ ئاژانسی ئانادۆڵو گوتی: "تا ئێستا لە ٤٦ قۆناغدا ٤٦٣ ئۆتۆمبێلی بارهەڵگر هاوکاری و یارمەتیمان دابەشکردووە لە جۆرەکانی خێوەت، بەتانی، پۆشاک، خۆراک، پێداویستی دیکە و تاوەکو ئێستاش یارمەتییەکانمان گەیاندووەتە ٥١ ناوچە لە سەرتاسەری عێراق".
سەردار یەڵماز گوتیشی: "رۆژانە ٥ هەزار سەموون دروست دەکەین و بەسەر کەمپەکان دابەش دەکەین و لە ساڵی ٢٠١٤ تا ئێستا ٢٧١ ئاژەڵمان سەربڕیووە و بەسەر ١٠ هەزار کەسمان دابەشکردووە".
نوێنەری مانگی سوری تورکیا لە عێراق ئاماژەی بەوەشکرد کە تا ئێستا ١٦٠ هەزار خێزان لە هاوکارییەکانییان سوودمەندبوونە و ئەمڕۆش کۆمەڵێک هاوکاریان گەیاندە کەمپی خازر کە بریتیی بوو لە یەک تۆن برنج و یەک تۆن ماکەڕۆنی.
جگە لەوەش هەر لە کامپی خازر کۆمەڵێک یارمەتی دیکەیان بەسەر ئاوارەکان دابەشکرد و لەمبارەیەوە سەردار یەڵماز گوتی: "ئێستا لە کامپی خازر هاوکاری ١٠٠ کەسی دیکە دەکەین کە هاوکارییەکان بریتین لە جلوبەرگی ئافرەتان و کیسە خەو".