کەرکووک.. هاوکاری İHH بۆ ئاوارەکانی مووسڵ
- بەرپرسی بەشی رۆژهەڵاتی ناوەڕاستی İHH، وەیسەل ئۆزیاپیجی: "ئەمڕۆ چوارسەد کارتۆنی هاوکاریمان بەسەر ئاوارەکاندا دابەشکرد و سبەیش پێنجسەد کارتۆنی دیکە دابەش دەکەین".
At Ta mim
کەرکووک - AA
وەقفی هاوکاری مرۆیی تورکیا İHH هاوکاری بەسەر نۆسەد خێزانی ئاوارەدا دابەش کرد کە بە هۆی ئۆپەراسیۆنی رزگارکردنی مووسڵەوە لە کەرکووک گیرساونەتەوە.
لە یەکەم قۆناغی هاوکارییەکەدا، بە یارمەتی کۆمەڵەی هاریکاری و گەشەپێدانی تورکمان لە کەرکووک سەرەتا چوارسەد خێزان و دواتریش پێنج سەد خێزانی دیکە سوودمەند دەبن لێی.
بەرپرسی بەشی رۆژهەڵاتی ناوەڕاستی İHH، وەیسەل ئۆزیاپیجی لە لێدوانێکدا ئاماژەی بەوە دا کە نۆسەد کارتۆن هاوکاری مرۆییان هێناوەتە شاری کەرکووک و، گوتی: "خواردەمەنیمان بەسەر ئەو کەسانە دابەش کرد کە بە هۆی پێکدادانەکانەوە لە مووسڵەوە هاتوونەتە کەرکووک. ئەمڕۆ چوارسەد کارتۆنی هاوکاری"رەمەزانمان" بەسەر ئاوارەکاندا دابەشکردووە و سبەیش پێنجسەد کارتۆنی دیکە دابەش دەکەین".