Турција оствари двојно поголем економски раст од ЕУ
Турската економија во првиот квартал од оваа година оствари раст од 5,2 отсто, а тој тренд на раст го продолжи и во вториот квартал, со остварени 5,1 отсто раст на БДП во однос на истиот период лани
Ankara
АНКАРА (АА) - Економијата на Република Турција во вториот квартал од оваа година оствари раст од 5,1 отсто, што е повеќе од двојно поголем раст од оној што заедно го остварија 28 членки на ЕУ, јавува Anadolu Agency (AA).
Според податоците на Евростат и на Турскиот завод за статистика (TUIK), турската економија во првиот квартал од оваа година оствари раст од 5,2 отсто, а тој тренд на раст го продолжи и во вториот квартал, со остварени 5,1 отсто раст на бруто националниот производ во однос на истиот период минатата година.
Според тоа, Турција значително е поуспешна од поголемиот дел од европските земји и од ЕУ како целина.
ЕУ во првиот квартал од оваа година оствари економски раст од 2,1 а во вториот квартал 2,4 отсто.
Романија со економски раст од 5,7 отсто е најуспешна членка на ЕУ во вториот квартал на годината, а следуваат Естонија и Словенија со економски раст од 5,2 отсто.
Турција е четврта земја во Европа според остварениот економски раст во вториот квартал, во кој Холандија оствари економски раст од 3,8 отсто. Германија 2,1 отсто, а Франција и Велика Британија по 1,7 отсто.
Табеларниот приказ на економскиот раст на земјите во вториот квартал од годината изгледа вака:
Држава | Процент на раст во вториот квартал од 2017 |
Романија | 5,7 |
Естонија | 5,2 |
Словенија | 5,2 |
Турција | 5,1 |
Летонија | 4,8 |
Чешка | 4,7 |
Полска | 4,4 |
Литванија | 4 |
Шведска | 3,9 |
Холандија | 3,8 |
Бугарија | 3,6 |
J.Кипар | 3,5 |
Унгарија | 3,5 |
Хрватска | 3,4 |
Шпанија | 3,1 |
Словачка | 3,1 |
Финска | 3 |
Австрија | 2,9 |
Португалија | 2,9 |
Данска | 2,7 |
Германија | 2,1 |
Франција | 1,7 |
Велика Британија | 1,7 |
Белгија | 1,5 |
Италија | 1,5 |
Грција | 0,8 |
Ирска | - |
Луксембург | - |
Малта | - |
ЕЗ 19 (еврозона) | 2,3 |
ЕУ 28 | 2,4 |