Џиновски дијамант продаден за 53 милиони долари
Дијамантот беше пронајден во ноември 2015 година, во африканската држава Боцвана, од страна на компанијата „Lucara Diamond“. На дијамантот му беше дадено името „Lesedi La Rona“, кое на локалниот цвана јазик значи „нашата светлина“
Ankara
АНКАРА (АА) - За цена од 53 милиони долари е продаден џиновскиот дијамант „Lesedi La Rona (Нашата светлина)“, кој познат како втор по големина дијамант во светот, јавува Anadolu Agency (AA).
Според веста на „CNN“ (Си-ен-ен), британската компанија за накит „Graff Diamonds“, за цена од 53 милиони долари стана новиот сопственик на џиновскиот дијамант од 109 карати, со големина на тениско топче.
Овој дијамант минатата година беше дел од аукцијата во Лондон, на којашто беше претставен за цена од 70 милиони долари, но не се најде купувач.
Дијамантот беше пронајден во ноември 2015 година, во африканската држава Боцвана, од страна на компанијата „Lucara Diamond“. На дијамантот му беше дадено името „Lesedi La Rona“, кое на локалниот цвана јазик значи „нашата светлина“.
Дијамантот од 109 карати, кој настанал пред 3 милијарди години, е познат како втор по големина дијамант на светот.