Li hin welatên Ereban meha remezanê sibê dest pê dike

Erebistana Siûdî, Qeter, Mîrektiyên Ereban ên Yekbûyî (MEY), Filistîn û Iraqê eşkere kir ku sibê roja ewil a remezanê ye.

Di daxuyaniya nivîskî ya Mehkemeya Bilind a Erebistana Siûdî da hat diyarkirin ku heyva nû ya meha remezanê hat dîtin û sibê roja ewil a remezanê ye.

Komîteya Çavdêriya Heyva Nû ya Wezareta Karên Îslamê û Weqfan a Qeterê jî eşkere kir ku sibê roja ewil a meha remezanê ye.

Dîwana Serokatiya Dewletê ya MEYê jî ragihand ku heyva nû ya meha remezanê hat dîtin û sibê roja ewil a meha remezanê ye.

Serokatiya Îrşad û Weqfan a Yêmenê jî eşkere kir ku sibê roja ewil a meha remezanê ye.

Miftiyê Filistîn û Qudsê Şêx Mihemed Huseyîn jî da zanîn ku meha remezanê dê sibê dest pê bike û sibê roja ewil a meha remezanê ye.

Li Iraqê Wezareta Weqfan a Herêma Kurdistana Iraqê (HKI) û Wefa Suniyan jî diyar kir ku roja ewil a meha remezanê dê sibê dest pê bike.

- "Welatên ku dê roja pêncşemê dest bi remezanê bikin

Sermiftiyê Urdinê Ehmed el-Hesenat ragihand ji ber ku heyva nû nehat dîtin sibê dê wekî roja 30emîn a meha şebanê bê qebûlkirin û 19ê sibatê roja pêncşemê dê dest bi meha remezanê bikin.

Tirkiye, Îran û Sûriyeyê jî eşkere kir ku dê meha remezanê roja pêncşemê dest pê bike.