دەستبەسەرداگرتنی یەک تۆن و ٣٣١ کیلۆگرام ماددەی هۆشبەر لە ئۆپەراسیۆنی نارکۆچەلیک-٢٩دا

ئەنقەرە - AA

وەزیری ناوخۆی تورکیا، عەلی یەرلیکایا بڵاویکردەوە لە میانی ئۆپەراسیۆنەکانی نارکۆچەلیک-٢٩دا بۆ سەر بازرگانانی ماددەی هۆشبەر کە لە یەک کاتدا لە ١٧ پارێزگا بەڕێوەچوو، دەستگیرا بەسەر یەک تۆن و ٣٣١ کیلۆگرام ماددەی هۆشبەر و چوار هەزار و ٤٨١ حەبی بێهۆشدا و، ١٠٣ فرۆشیاری ماددەی هۆشبەریش دەستگیرکران.

لە ڕاگەیاندراوێکدا کە لە هەژماری خۆی لە تۆڕی کۆمەڵایەتی بڵاویکردەوە، یەرلیکایا ئاماژەی بەوە کرد کە ئۆپەراسیۆنەکان بەهەماهەنگیی سەرۆکایەتی فەرمانگەی بەرەنگاربوونەوەی تاوانە رێکخراوەییەکان و قاچاخچێتی سەربە فەرماندەی گشتیی جەندرمە لەلایەن تیمەکانی فەرماندەیی جەندرمەی پارێزگا لە هەر یەک لە پارێزگاکانی ئادانا، ئەنتاڵیا، ئایدن، بینگۆل، دیاربەکر، ئەدیرنە، ئەرزەڕوم، غازی عەنتاب، قەهرەمان مەرەش، قۆنیا، کلیس، ماڵاتیا، ئۆردو، ساکاریا، سامسون، سێرت و وان بەڕێوەچووە.

یەرلیکایا باسی لەوە کرد لە کۆی ١٠٣ فرۆشیاری ماددەی هۆشبەر کە دەستگیرکراون ٤٥یان دەستبەسەرکراون و ٣٦یان بە مەرج ئازاد کراون.

ڕاشیگەیاند: "پێداگرین لە پاککردنەوەی وڵاتەکەمان لە بازرگانانی ژەهر و شەقام لە فرۆشیارانی ماددەی هۆشبەر".