دەستگیرکردنی ٤١ گومانلێکراو لە ئۆپەراسیۆنی بۆزدۆغان-٣٤دا بۆ سەر ڕێکخراوی تیرۆریستيی داعش

ئەنقەرە - AA

وەزیری ناوخۆی تورکیا، عەلی یەرلیکایا ئاماژەی بەوە کرد لە ئۆپەراسیۆنەکانی بۆزدۆغان-٣٤دا٤١ گومانلێکراوی سەر بە ڕێکخراوی تیرۆریستيی داعش دەستگیرکراون.

یەرلیکایا لە هەژماری تۆڕی کۆمەڵایەتی بڵاویکردەوە کە سەرۆکایەتی هەواڵگریی لە بەڕێوەبەرایەتی گشتیی ئاسایش، بە هەماهەنگیی لەگەڵ سەرۆکایەتی فەرمانگەی بەرەنگاربوونەوەی تیرۆر، لە ١٢ پارێزگادا لەوانەیش بۆڵو، ئەسکیشەهیر، ئیستانبوڵ، کرککالە، کلیس، کۆجائەلی، نەوشەهیر، ساکاریا، غازی عەنتاب، شانڵیورفا، دوزچە و مانیسا ئۆپەراسیۆنی بۆزدۆغان-٣٤یان کردووەتە سەر ڕێکخراوی تیرۆریستيی داعش و ٤١ گومانلێکراویان دەستگیرکردووە.

وەزیری ناوخۆی تورکیا یەرلیکایا باسی لەوەیش کرد کە لە ئۆپەراسیۆنەکاندا دەستگیراوە بەسەر ژمارەیەک دەمانچەی بێمۆڵەت، ژمارەیەکی زۆر ئامێری دیجیتاڵی و بڕێکی زۆر دراوی بیانی و لیرەی تورکیدا و گوتی: "دەستخۆشی لە پۆلیسە قارەمانەکانمان دەکەم کە ئۆپەراسیۆنەکانیان ئەنجامدا. خودا سەرکەوتوویان بکات، نزای گەلەکەمان لەگەڵ ئێوەیە".