سووریا.. کوژرانی شەش مەدەنی لە ناوچەی کەمکردنەوەی گرژییەکان

ئیدلب - AA

لە ئەنجامی هێرشە وشکانی و ئاسمانییەکانی هێزەکانی رژێمی بەشار ئەسەد بۆسەر ناوچە مەدەنینشینەکانی ناوچەی کەمکردنەوەی گرژییەکانی ئیدلب، شەش مەدەنی کوژران و ١٢ی دیکەش برینداربوون.

هێزەکانی رژێم کە پێکهاتوون لە سوپای رژێمی ئەسەد و تیرۆریستە بیانییەکان کە ئێران پاڵپشتییان دەکات، سەرلەبەیانی ئەمڕۆ هێرشیانکردە سەر شارۆچکەی خان شەیخون و گوندەکانی مەعەرشورین، تەمانعە، سوکێک، بابیلا و ئەبو حەببە لە سنووری پارێزگای ئیدلب، هەروەها هێرشەکان شارۆچکەی لەتامنە و گوندی قەستون باکووری پارێزگای حەما-یان کردەئامانج و بە هۆیەوە شەش مەدەنی کوژران ١٢ی دیکەش برینداربوون.