Erdoğan takon homologun iranian Ruhani para samitit trepalësh

SOÇI (AA) - Presidenti i Turqisë, Recep Tayyip Erdoğan, ka nisur një takim kokë më kokë me homologun iranian Hasan Ruhani para Samitit Trepalësh për Sirinë në Rusi, raporton Anadolu Agency (AA).

Takimi zhvillohet i mbyllur për media në Sanatoriumin Rus në Soçi.

Ndryshe, presidenti Erdoğan në kuadër të vizitës së tij në Soçi do të marrë pjesë në Samitin e Katërt Trepalësh me temë Sirinë, ku do të marrin pjesë edhe presidentët e Rusisë dhe Iranit, Vladimir Putin dhe Hasan Ruhani.

Në samit do të shqyrtohen përpjekjet e përbashkëta të platformës së Astanas në terren dhe pocesin politik për të gjetur zgjidhje të përhershme për konfliktin sirian.