Siri, mbahen festime në përvjetorin e rrëzimit të regjimit të Asadit

Në të gjithë Sirinë u mbajtën festime për të shënuar përvjetorin e "Operacionit për të Larguar Armikun", i cili çoi në përmbysjen e regjimit të Bashar al-Assadit në vend, raporton Anadolu.

Mijëra civilë mbushën sheshet kryesore në qendrat e qyteteve, përfshirë kryeqytetin Damask si dhe në provinca të tilla si Halep, Hama, Homs, Latakia dhe Deir ez-Zor.

Flamuj sirianë u mbajtën gjatë festimeve ndërsa pati slogane që theksonin unitetin dhe integritetin e vendit. U shfaqën banderola dhe tabela kundër thirrjeve për ndarje.

Slogane si "Rroftë Siria e lirë" dhe "Një atdhe, një popull" u brohoritën shpesh ndërsa autoritetet lokale në disa zona organizuan ngjarje të tilla si koncerte dhe marshime.

Turmat që mbushnin sheshet theksuan rëndësinë e ruajtjes së integritetit territorial të Sirisë dhe përcollën mesazhe që shprehnin unitetin dhe solidaritetin e vendit.

Presidenti sirian Ahmed Shara, në fjalimin e tij drejtuar dje kombit kujtoi përvjetorin e "Operacionit për Largimin e Armikut" dhe i bëri thirrje publikut të dalë në rrugë për të marrë pjesë në festime.

"Operacioni për Largimin e Armikut" u nis kundër forcave të regjimit të Asadit më 27 nëntor 2024.