Algjeria kërcënon se do te ndërpresë furnizimin e Spanjës me gaz

Algjeria kërcënoi se do të ndërpresë së furnizuari Spanjën me gaz nëse ndonjë sasi e burimit të energjisë përfundon në një vendndodhje të pa specifikuar në kontratë, raporton Anadolu Agency (AA).

Transporti i çdo sasie gazi algjerian në një destinacion tjetër konsiderohet si shkelje e kontratës dhe do të çonte në shkëputjen e kontratës që detyron kompaninë shtetërore të energjisë Sonatrach dhe blerësin spanjoll.

Që kur Algjeria ndërpreu marrëdhëniet diplomatike me administratën marokene, tubacioni 12 miliardë metra kub Magreb-Evropë që lidh Algjerinë me Spanjën nëpërmjet Marokut nuk është përdorur që nga tetori i kaluar.

Ministria spanjolle e Energjisë konfirmoi më parë se planifikon të dërgojë gaz në Marok, por vuri në dukje se burimi i energjisë nuk do të jetë me origjinë algjeriane.

Kryeministri spanjoll, Pedro Sanchez, i dërgoi një letër Mbretit Mohammed VI të Marokut më 14 mars, duke thënë se ai e konsideronte të saktë "planin e autonomisë" të propozuar nga administrata e Rabatit për të zgjidhur problemin e Saharasë Perëndimore.

Algjeria ftoi ambasadorin e saj në Madrid për konsultime më 19 mars, pasi Sanchez mbështeti planin maroken për zgjidhjen e problemit të Saharasë Perëndimore.

Sa i përket marrëdhënieve të ngushta me Marokun, presidenti algjerian Abdelmadjid Tebboune tha se "ajo që po bën Spanja është moralisht dhe politikisht e papranueshme".

Problemi i Saharasë Perëndimore ka shkaktuar tensione në marrëdhëniet mes Marokut dhe Algjerisë. Maroku akuzon Algjerinë për mbështetjen e frontit separatist Polisario, ndërsa Algjeria nuk mbështet hapat e fqinjit të saj Marokut në Saharanë Perëndimore.