ANKARA

Bi mazûvaniya Zanîngeha Yuzuncu Yilê ya Wanê di 17-19ê gulana 2017an da sempozyuma bi navê "Hêviyên Zanîngehan Ji Hevkariya Zanîngehan" hat çêkirin û di encama komxebatên di dema sempozyomê da hatin kirin da bi 13 zanîngehên li Herêma Kurdistana Iraqê ra di warê "Peymana Hevkariyê ya Guherîna Akademîk" û "Bernameya Guherînê ya Mewlana" da protokolên hevkariyê hatin îmzekirin.

Di daxuyaniya nivîskî ya zanîngehê da der barê peymanan da agahî hat dayîn.

Di daxuyaniya zanîngehê da wiha hat gotin: "Bi mazûvaniya Zanîngeha Yuzuncu Yilê ya Wanê di 17-19ê gulana 2017an da sempozyuma bi navê "Hêviyên Zanîngehan Ji Hevkariya Zanîngehan" hat çêkirin û di encama komxebatên di dema sempozyomê da hatin kirin da bi 13 zanîngên li Herêma Kurdistana Iraqê ra di warê "Peymana Hevkariyê ya Guherîna Akademîk" û "Bernameya Guherînê ya Mewlana" da protokolên hevkariyê hatin îmzekirin."

Hat destnîşankirin ji xeynî Prof. Dr. Îbrahîm Çapakê Rektorê Zanîngeha Bîngolê û Prof. Dr. Hakan Olgunê Alîkarê Rektor ji Tirkiyeyê 15 û ji Herêma Kurdistana Iraqê 15 bi tevahî nûner û rektorên 30 zanîngehan tevlî komxebatan bûn.

Hat diyarkirin di encama komxebetan da di navbera Zanîngeha Bîngolê û Zanîngeha Silêmanî, Zanîngeha Polîteknîk a Silêmanî, Zanîngeha Polîteknîk a Hewlêrê, Zanîngeha Selaheddîn, Zanîngeha Dihokê, Zanîngeha Polîteknîk a Dihokê, Zanîngeha Zaxoyê, Zanîngeha Germiyanê, Zanîngeha Helebçeyê, Zanîngeha Koyayê, Zanîngeha Soranê, Zanîngeha Zanistên Beşerî û Enstîtuya Teknikî ya Heybet Siltan da di warê "Peymana Hevkariyê ya Guherîna Akademîk" û "Bernameya Guherînê ya Mewlana" da protokolên hevkariyê hatin îmzekirin û yên heyî jî hatin rojanekirin.

Tê plankirin bi peyman û protokolên hatin îmzekirin di heyamên pêş da ji Herêma Kurdistanê xwendekar bên Zanîngeha Bîngolê.