لە گوندێکی بەدلیس شیرینی "بەفر بەدۆشاو" پێشکەشی میوانان دەکرێت
لە گوندی کشکڵی کە دەکەوێتە قەدپاڵەکانی چیای سوپهان کە سێهەم بەرزترین چیای تورکیایە، شیرینی "بەفر بەدۆشاو" پێشکەشی میوانان دەکرێت.
Bitlis
بەدلیس
لە گوندی کشکڵی کە دەکەوێتە قەدپاڵەکانی چیای سوپهان کە سێهەم بەرزترین چیای تورکیایە، شیرینی "بەفر بەدۆشاو" پێشکەشی میوانان دەکرێت.
گوندی کشکڵی کە دوو هەزار و ٣٠٠ مەتر لە ئاستی دەریاوە بەرزە و سەربە قەزای ئادیلجەڤازە، گوندنشینان بەفر لەو ناوچانە دەهێنن کە دوو مەتر بەفری لێ کەڵەکە بووە و بە تێکەڵکردنی لەگەڵ دۆشاو شیرینی "بەفر بەدۆشاو" دروست دەکەن. لەکاتی هاتنی میوانانیشدا ئەم شیرینیە پێشکەشی میوانان دەکەن.
مەزیەت سادقئۆغڵو و یەتیشی هاوسەری کە لە شاری سینۆپەوە سەردانی ئەو گوندەیان کردووە لەگەڵ بینینی دیمەنی ناوازەی چیای سوپهان بەفر بەدۆشاو دەخۆن.
مەزیەت سادقئۆغڵو بە پەیامنێری ئاژانسی ئانادۆڵوی راگەیاند کە زۆربەی پارێزگا و ناوچەکانی تورکیا گەڕاوە بەڵام یەکەمجارە شیرینییەکی بەمجۆرە بەتام بخوات. گوتیشی: "ماوەی سێ ساڵ لە بەدلیس کارم کردووە. پێشنیار بۆ خەڵک دەکەم کە تامی ئەم شیرینیە پاکە بکەن".
![](http://www.facebook.com/sharer.php?u=https://www.aa.com.tr/ks/توركيا/لە-گوندێکی-بەدلیس-شیرینی-بەفر-بەدۆشاو-پێشکەشی-میوانان-دەکرێت/781656&p[images][0]=https://cdnuploads.aa.com.tr/uploads/Contents/2017/03/28/thumbs_b_c_c3256e6176fbdb662caa07f926531799.jpg?v=185155&p[title]=لە گوندێکی بەدلیس شیرینی "بەفر بەدۆشاو" پێشکەشی میوانان دەکرێت&p[summary]=لە گوندی کشکڵی کە دەکەوێتە قەدپاڵەکانی چیای سوپهان کە سێهەم بەرزترین چیای تورکیایە، شیرینی "بەفر بەدۆشاو" پێشکەشی میوانان دەکرێت.
){kind=link}