كهركووك.. داعش پەلاماری حهشدی شهعبی دەدات
- له ئهنجامی بۆسەیەکی رێكخراوی تیرۆریستیی داعش له باشووری كهركووك، ١٧ چهكداری حهشدی شهعبی كوژران و ٢٠ی دیكهشیان رفێنران.
At Ta mim
كهركووك - AA
له ئهنجامی بۆسەیەکی رێكخراوی تیرۆریستیی داعش له باشووری كهركووك، ١٧ چهكداری حهشدی شهعبی كوژران و ٢٠ی دیكهشیان رفێنران.
بەرپرسی راگهیاندنی بهڕێوهبهرایهتی پۆلیسی كهركووك، ئهفراسیاو كامیل له لێدوانێكدا بۆ پهیامنێری ئاژانسی ئانادۆڵو، رایگهیاند "له نزیك گوندی سهعدوونییه باشووری كهركووك پێكدادانی توند له نێوان حهشدی شهعبی و پاشماوهكانی داعش له ناوچهكه، هاتووهته ئاراوه".
ئهفراسیاو كامیل باسی لهوهكرد كه پێكدادانهكه له میانی تێپهڕینی کاروانێکی حهشدی شهعبی لهسهر رێگهی گوندی سهعدوونییهی سهر به ناحیهی ریاز روویداوه و رایگهیاند "چهكدارهكانی داعش سوودیان له كهشی باراناوی وهرگرتووه و لهسهر رێگهكه بۆسەیەکیان داناوه کە له ئهنجامدا پێكدادانێك هاتووهته ئاراوه و لە ئاکامدا، ١٧ چهكداری حهشدی شهعبی كوژراون و ٢٠ی دیكهشیان له لایهن چهكدارهكانی داعشهوه رفێنراون".
ناوبراو تیشكی خستهسهر ئهوهی كه به مهبهستی ئهنجامدانی ئۆپهراسیۆنێك بۆ سهر پاشماوهكانی داعش له ناوچهكه و رزگاركردنی چهكدارهكانی حهشدی شهعبی، ژمارهیهكی زۆر له هێزه ئهمنییهكان رهوانهی ناوچهكه كراون و گوتی: "هێزهكانی پۆلیسی فیدرالی له ناوچهكه، ئۆپهراسیۆنێكی بهرفراوانیان دهستپێكرد. چاوهڕوان دهكرێت دواتر سوپای عێراقیش پشتیوانیی له ئۆپهراسیۆنهكه بكات".
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن