سووریا.. کوژرانی ١١ مەدەنی راگەیەنرا
- لە ئاكامی بۆردومانی ئاسمانی و تۆپخانەی رژێمی سووریا، ١١ مەدەنی لە هەردوو پارێزگای ئیدلب و حمس، كوژران.
İdlib
ئیدلب ــ AA
لە ئاكامی بۆردومانی ئاسمانی و تۆپخانەی رژێمی سووریا، ١١ مەدەنی لە هەردوو پارێزگای ئیدلب و حمس، كوژران.
بەرپرسی بەرگری شارستانی ئیدلب، مستەفا حاج بۆ ئاژانسی ئانادۆڵو گوتی: "ژمارەیەک فڕۆكەی جەنگی نەناسراو، ٣٠ هێرشی ئاسمانی كردە سەر شارەكانی خان شەیخون و سەراقب و پێنج شارۆچكەی سەر بە ئیدلب".
مستەفا حاج ئاماژەی بەوەشدا كە لە ئاكامی هێرشە ئاسمانییەكاندا، حەوت مەدەنی كوژران و ٢٠ی دیكەش بریندار بوون كە پێنجیان لە تیمی بەرگری شارستانیین.
ناوبراو باسی لەوەش كرد كە هێشتا هێرشی ئاسمانی فڕۆكە جەنگییەكە بۆ سەر شار و شارۆچکەكان بەردەوامە و تا ئێستا بە وردی ژمارەی قوربانییەكان نەزانراوە.
مستەفا حاج هەروەها گوتیشی: "ژمارەی كوژراوانی ئەو بۆردومانەی كە ماوەی پێنج رۆژە بۆ سەر ئیدلب بەردەوامە گەیشتووەتە، ٤٢ كەس".
هاوكات سەرچاوە پزیشكییەكان رایانگەیاندووە كە هێزەكانی رژێم، شاری تەلبیسە باكووری پارێزگای حمس-یان تۆپباران كرد و لە ئاكامدا چوار مەدەنی كوژران.
دوێنی هەینی وەزارەتی دەرەوەی ئەمریكا لە بەیاننامەیەكدا نیگەرانی خۆی لە بەرامبەر ئامانجكردنی خەڵكی مەدەنی بە هۆی بۆردومانەكان لە پارێزگای ئیدلب باكووری سووریا نیشاندابوو.
