Amerikani merr epitetin "x-man", i ngjiten në kokë sendet prej metali dhe plastike

CHICAGO (AA) - Amerikani Jamie Keeton është nga njerëzit e rrallë i cili me trupin e tij tërheq shishet, kanaçet, telefonat dhe gjësendet tjera nga metali dhe plastika, për çka ka marrë epitetin e "x-man-it", një personazh nga filmat Hollywoodian, shkruan Anadolu Agency (AA).

Që në moshën shtatë vjeçare, ai kishte zbuluar se dallon nga të tjerët, sepse lodrat i ngjiteshin në duar.

Pas testeve të shumta, në moshën 21 vjeçare ai filloi të kuptoj se gjendja e tij në fakt është një avantazh meqë nis të materializojë fenomenin e tij.

Nga atëherë fillon me shfaqet të cilat i mban në vende të ndryshme, ndërkohë që në vitin 2015, hyn në librin e rekordeve të Guinness-it për mbajtjen e numrit më të madh të kanaçeve në kokë.