Trump pranon dorëheqjen e zëdhënësit të Shtëpisë së Bardhë
Presidenti amerikan Trump tha se ka pranuar dorëheqjen e zëdhënësit të Shtëpisë së Bardhë, Sean Spicer dhe që në vend të tij është emëruar zv/zëdhënësja Sarah Sanders
Washington
WASHINGTON (AA) – Presidenti i SHBA-ve Donald Trump njoftoi se ka pranuar dorëheqjen e zëdhënësit të Shtëpisë së Bardhë, Sean Spicer dhe që në vend të tij është emëruar zv/zëdhënësja Sarah Sanders, transmeton Anadolu Agency (AA).
Në dy njoftime me shkrim nga Shtëpia e Bardhë u dhanë detaje lidhur me ndryshimet në pozitën e zëdhënësit.
Spicer i cili mori pozitën menjëherë pas fillimit të detyrës së Trumpit në Zyrën Ovale dha dorëheqje në orët e mëngjesit, kurse Shtëpia e Bardhë njoftoi se Trump ka pranuar këtë dorëheqje në orët e mbrëmjes.
“Jam mirënjohës ndaj Sean për shërbimet e tij”
Në deklaratë thuhet se Trump ka thënë se “Në emër të qytetarëve dhe administratës amerikane jam mirënjohës për shërbimet e Sean Spicer”.
Pas emërimit të Anthony Scaramucci si Drejtor i Komunikimit të Shtëpisë së Bardhë nga Trump, zëdhënësi i Shtëpisë së Bardhë Sean Spicer dha dorëheqje nga pozita e tij.
Sanders, zëdhënëse e re
Ndërkaq në një deklaratë tjetër me shkrim nga Shtëpia e Bardhë bëhet e ditur se në vend të Spicer është emëruar ndihmësja e tij, Sarah Sanders.
Sanders po ashtu do ta menaxhojë Zyrën për Media të Shtëpisë së Bardhë.
“Sarah, si një zv/zëdhënëse ka treguar një punë të mrekullueshme për të përçuar mesazhin e administratës tonë tek populli amerikan. Edhe në pozitën e re të saj do të vazhdojë t’i tregojë popullit progreset e arritura”, ka thënë Trump lidhur me zëdhënësen e re Sanders.