Nisin hetimet për të dyshuarit që hapën pankartën, ku Erdoğan tregohet si objektiv
Prokuroria e Përgjithshme e Republikës në Stamboll njofton se ka hapur hetim për të dyshuarit lidhur me pankartën e hapur më 25 mars, në mitingun për “Jo” ndaj referendumit
Stamboll
STAMBOLL (AA) - Ka nisur hetimi lidhur me të dyshuarin apo të dyshuarit që hapën pankartën në mitingun për “Jo” në Zvicër, ku si shënjestër u tregua presidenti i Turqisë, Recep Tayyip Erdoğan, raporton Anadolu Agency (AA).
Prokuroria e Përgjithshme e Stambollit njofton se ka hapur hetim për të dyshuarit lidhur me pankartën e hapur më 25 mars, në mitingun për “Jo” ndaj referendumit të organizuar në kryeqytetin e Zvicrës në Bern, në “Sheshin e Parlamentit” nga grupe ku përfshiheshin edhe grupet terroriste PKK, DHKP-C dhe YPG.
Në pankartë me sfond të zi kishte fotografi të Erdoğan-it dhe i ishte drejtuar një armë ku shkruante "Kill Erdogan”, ("Vrite Erdoğan"-in) dhe poshtë saj “Me armët e veta”.
Mësohet se të dyshuarit për hapjen e pankartës në fjalë do të procedohen penalisht për veprat “anëtarësim në organizata terroriste”, “fyerje ndaj presidentit” dhe “bërja e propagandës së organizatës terroriste”.
Sipas udhëzimit me shkresë të dërguar nga Prokuroria për në Drejtorinë e Policisë së Stambollit, në bazë të hetimit të hapur, u kërkua që të konstatohen identitetet dhe të dhënat personale të të dyshuarve që hapën pankartën në fjalë, dhe që ata t’i dërgohen Prokurorisë së Përgjithshme.