17 مه 2019•بهروزرسانی: 18 مه 2019
استانبول/ خبرگزاری آناتولی
به گزارش وزارت خارجه افغانستان، در دیدار صلاح الدین ربانی وزیر امور خارجه این کشور و امامعلی رحمان رئیس جمهور تاجیکستان در دوشنبه، موضوع بازگرداندن 80 تن از زندانیان افغان از تاجیکستان مورد بررسی قرار گرفته است.
ربانی در این دیدار ضمن قدردانی از حمایت و کمک های دولت و مردم تاجیکستان خواهان انتقال هشتاد تن از زندانیان افغان به کشورشان شد.
امامعلی رحمان، رئیس جمهور تاجیکستان نیز در این دیدار اطمینان داده که هشتاد تن از زندانیان افغان به زودی به افغانستان انتقال داده خواهند شد.
رئیس جمهور تاجیکستان همچنین تاکید کرده است: نیروگاه آبی برقی راغون تا یک سال آینده تکمیل و صادرات برق برای تامین نیازهای افغانستان آغاز خواهد شد.
از سوی دیگر وزیر امور خارجه افغانستان با شکورجان ظهوراف رئیس پارلمان تاجیکستان نیز دیدار و گفتوگو کرد.
گفتنی است صلاح الدین ربانی وزیر امور خارجه افغانستان برای شرکت در نشست همکاری های بین المللی و منطقه ای در امر مبارزه علیه تروریسم و تمویل آن از طریق قاچاق مواد مخدر و جرایم سازمان یافته در دوشنبه به سر می برد.
