Li zozanên Sasonê avêtina penêr

Li zozanên Sasona navçeya Batmanê amadehiyên avêtina penêrê eyaran dest pê kir.

Her sal gelek koçerên bajarên derûdor tên zozanên ku li Çiyayê Meretoyê ya ku ji behrê 2 hezar û 973 mêtrê bilind e û li wir konên xwe vedidin.

Her sal ji Îdil, Cizîr û Silopiya navçeyên Şirnexê, ji Nisêbîn û Mîdyata navçeya Mêrdînê û ji navçeyên Heskîf û Gercuşê gelek koçer tên zozanên Sasonê.

Malbatên koçer piştî meşeke zor û zehmet digihêjine zozanan.

Mêr li zozanan serê sibê radibûn û heywanên xwe dibin çêrê. Jin jî karên nav malê dikin, xwarinê çêdikin û pezê xwe didoşin û şîrê ku dotine haveyn dikin û penêr diavêjin.

Pênêrê tê amadekirin seba şûjiya wê bikişe û xwe bigre rojekê didin sekinandin. Paşê penêr dixin avrênc û piştî demekê ji wir derxin û dixin eyarê ji çermê pez yan bizinan hatiye çêkirin.

- "Em rojê 500 bizinî didoşin"

Gelek malbatên koçer bi penêrê di eyaran da hildidin debara malbata xwe dikin. Ji koçeran Sultan Salayê daxuyanî da nûçegihanê AAyê û got ku em roja 500 heb bizinî didoşin û wiha axivî:"Em rojê 500 bizinî didoşin. Em penêrê xwe li depoyan mihefeze dikin. Di dema mişterî tên em derdixin û difiroşin. Kîloya penêrê eyaran di navbera 35 û 50 lireyî da diguhere."

Bahar Salayê jî diyar kir ku jiyana li zozanan zehmet e, lê ew ji ber hewaya hênîk û paqij kêfxweş in û wiha got: "Jiyana me çendî zor be jî em ji vir hez dikin. Em penêre xwe di nav eyarê bizin û pêz da vedişêrin. Tehma penêrê eyaran ji ya penêrên din xweştir e. Em penêr ji bo zivistanê vedişêrin."