Îstatîstîkên îtxalat û îxracatê hatin eşkerekirin

ANKARA

Îxracata Tirkiyeyê di meha sibatê da li gor heman meha sala par ji sedî 1,9 kêm bû dakete 12 milyar û 127 milyon dolarî, îtxalat jî ji sedî 1,6 zêde bû gihîşte 15 milyar û 820 milyon dolarî.

Îstatîstîkên bazirganiya bi derva ra ya berwext ên der barê meha sibatê da yên ku Wezareta Gumrik û Bazirganiyê û Saziya Îstatîstîkên Tirkiyeyê amade kiribûn hatin eşkerekirin.

Li gor vê îxracat di meha sibatê li gor heman meha sala par ji sedî 1,9 kêm bû dakete 12 milyar û 127 milyon dolarî.

Îtxalata heman demê jî ji sedî 1,6 zêde bû gihîşte 15 milyar û 820 milyon dolarî.

Di vê demê da ferqa di navbera îtxalat û îxracatê da jî ji sedî 15an zêde bû û ji 3 milyar û 211 milyon dolarî gihîşte 3 milyar û 693 milyon dolarî.

Rêjeya îtxalatê ya li gor îtxalatê di sibata sala par da ji sedî 79,4 bû îsal dakete ji sedî 76,7an.