Deşta Mûşê bi kulîlkan ve xemilî

MUŞ

Deşta Mûşê bi gulebûkên sor, beybûnên şîn û spî ve xemilî.

Gulebûk û beybûnên ku emrê wan kin e û zû diçilmisin, niha deşta Mûşê dixemilînin û bala mirovan dikişînin.

Nevzat Şîrvanê ku li gundê Şenovaya girêdayî Mûşê dijî got ku li Mûşê niha du demsal bi hev re hene û wiha axivî: "Li çiyayê Kurtikê berf heye, lê li deştê jî lale û kulîlkên rengawreng şîn bûne. Yên ku deşta Mûşê nedîtine divê bi teqez werin, em benda wan in. Heke bixwazin ku dîmena herî xweş a xwezayê bibînin em pêşniyar dikin ku bila bên Mûşê. Lewra niha demsala herî xweş a deşta Mûşê ye."