Şahin Seçen
21 Tebax 2025•Rojanekirin: 22 Tebax 2025
Ekîba Lêgerîn û Xilaskirina Binê Avê ya Midûriyeta Îtfaiyeya Şaredariya Batmanê di Çemê Batmanê da ku ji bo perwerdeya noqbûnê çûn, paqijiya binê avê kirin.
Li gorî daxuyaniya şaredariyê, ekîbê di çarçoveya xebatên perwerdeyê da di Çemê Batmanê da li nêzîkî Pireya Malabadiyê qedera 13 metreyî xwe noqî avê kir.
Digel fealiyeta perwerdeyê, ekîbê binê çem paqij jî kir û zibil û bermayiyên wekî tor, mîsîna, risas, têlefona mobîl, avdankên plastîk, parçeyên hesin û cizdan derxistin.
Di daxuyaniyê da her wisa hat diyarkirin ku mîsîna û risasên ji hêla masîgirên amator va di avê da hatine hiştin, zirarê didin ekosîstemê û lewma bang li welatiyan hat kirin ku jîngehê biparêzin.
