04 Mijdar 2016•Rojanekirin: 05 Mijdar 2016
ANKARA
Piştî ku qanûna pêş dibîne ku der heqê rakirina destlênedayîna rêzikdanînê ya parlementeran de di destûra bingehîn de guherîn bê kirin serokên giştî yên CHP û MHPê û parlementerên AK Partiyê jî di nav de gelek kesan îfade da. Ji 55 parlementerên HDPê yên ku der heqê wan de ji ber sûcên cur bi cur fezleke hene tenê Parlementerê Sêrtê Kadrî Yildirim îfade da.
Li gor agahiyên ku nûçegihanê AAyê bi dest xist guherîna destûra bingehîn a der heqê rakirina destlênedayîna parlementeran de di 8ê hezîrana 2016an de li Rojnameya Fermî hat weşandin û ket meriyetê û astengiya lêpirsîn û teqîbata 810 dosyeyên der heqê 154 parlementeran de ji holê rabû.
Ji AK Partiyê der heqê 29 parlementeran de 50, ji CHPê der heqê 59 parlementeran de 215, ji MHPê der heqê 10 parlementeran de 23, ji HDPê der heqê 55 parlementeran de 518 fezleke hebûn. 5 fezlekyên Aylîn Nazliakayê Parlementerê Serbixwe jî hebûn.
Fezlekeyên li Wezareta Edaletê û TBMMyê piştî guherîna destûra bingehîn şandin serdozgeriyên komarê û serdozgeriyên eleqedar jî ji meha hezîranê ve ji bo îfadedayînê bangî parlementeran kir.
- Parlementerên sê partiyan guh dan bangê
Ji AK Partiyê Cîgirserokê Komê û Parlementerê Çanakkaleyê Bulent Turan, Parlementerên Stenbolê Mehmet Metîner, Erol Kaya, Parlementerê Hatayê Haci Bayram Turkoglu, Parlementerê Sakaryayê Ayhan Sefer Ustun, Parlementerê Gazîentabê Şamîl Tayyar, Parlementerê Meletiyê Mustafa Şahîn û Parlementerê Edeneyê Necdet Unuvar jî di nav de gelek kesî guh da telîmata dozgeriyê û îfade dan.
Di nav kesên ku ji CHPê îfade dan de digel Serokê Giştî Kemal Kiliçdaroglu û Arîkarê Serokê Giştî Velî Agbaba parlementerên Stenbolê Mehmet Akîf Hamzaçebî, Mahmut Tanal, Eren Erdem, Bariş Yarkadaş, Parlementerê Konyayê Mustafa Husnu Bozkurt, Parlementerê Sakaryayê Engîn Ozkoç, Parlementerê Îzmirê Kamîl Okyay Sindir, Parlementerê Artvînê Ugur Bayraktutan, Parlementerê Antalyayê Mustafa Akaydin, Parlementerê Boluyê Tanju Ozcan, Parlementerê Mêrsînê Aytug Atici hene.
Serokê Giştî yê CHPê yê berê û Parlementerê Antalyayê Denîz Baykal jî li dozgeriyê îfade da parastin xwe pêşkêş kir.
Partiya Tevgera Neteweperest jî guh da banga îfadeyê. Serokê Giştî yê MHPê Devlet Bahçelî û Parlementerê Edeneyê Seyfettîn Yilmaz û Parlementerê Balikesîrê Îsmaîl Ok îfade dan.
- Ji 55 HDPyiya kesek tenê îfade da
Ji 55 parlementerên HDPyê yên ku der heqê wan de piraniya wan sûcên terorê dosye hene tenê Parlementerê Sêrtê Kadrî Yildirim îfade da. Yildirim ji ber dozeke ku der heqê wî de hatibû vekirin cudayê parlementerên din ên partiya xwe îfade da.
