Togga ku tehsîsê Walîtiya Batmanê kirin bû erebeya dawetê

Wesayîta koma Teşebûsa Otomobîla Tirkiyeyê (Togg) a ku tehsîsê walîtiya Batmanê kirin bû erebeya dawetê ya Mesut û Zehrayê.

Zehra Demîr û Mesut Şîmşekê ku li Batmanê zewicîn ji bo ku Togg bibe erebeya wan a dawetê serî li Weqfa Alîkarî û Piştevaniya Civakî dan.

Daxwaza bûk û zavayê hat qebûlkirin û Togga ku ji bo wan hat tehsîskirin hat xemilandin.

Zava paşê bûk ji kuaforê hilda û li nav bajêr geriyan.

Zava Mesut Şîmşek wir daxuyanî da rojnamevanan û ji ber ku derfetekî wiha dane wan spasiya Serokomar Recep Tayyîp Erdogan û Waliyê Batmanê Ekrem Canalp kir.

Şîmşek got "Em kêfxweş bûn ku wesayîta me ya xwemalî û neteweyî bû erebeya me ya dawetê." û da zanîn kêfxweş in ku li Toggê siwar bûn.

Bûk Zehra Demirê jî got li Toggê siwar bû û ev yek ji bo wan serbilindiyek e û wiha axivî:

"Konfora nava erebeyê jî gelekî xweş bû, gelekî xweş hatiye dizaynkirin. Ji ber ku xwemalî û neteweyî em yek car serbilind in."

Ji aliyê din va welatiyên ku wesayîta Toggê dîtin erebe kotrol kirin û hinekan jê bi erebeyê ra wêne kişandin.

Di daxuyaniya Walîtiya Batmanê da hatibû ragihandin ku otomobîla Toggê dê ji bo malbatên destteng wek erebeya dawetê xizmetê bide.