Rrëqebulli i Ballkanit regjistrohet sërish në Shqipëri

Rrëqebulli i Ballkanit është dokumentuar sërish në një tjetër lokacion brenda Parkut Kombëtar të Shebenikut në Shqipëri, transmeton Anadolu.

Agjencia Kombëtare e Zonave të Mbrojtura e Shqipërisë në një video të publikuar në rrjetet sociale ka bërë të ditur se përmes përdorimit të kamerave kurth, identifikimit të gjurmëve në terren dhe vëzhgimeve të vazhdueshme të specialistëve, u bë i mundur fotografimi dhe dokumentimi i rrëqebullit të Ballkanit.

Sipas këtij institucioni, ky regjistrim konfirmon praninë e tij në habitatet natyrore të parkut.

Edhe më parë rrëqebulli i Ballkanit është regjistruar në malet në Maqedoninë e Veriut.

Rrëqebulli ballkanik (Lynx lynx balcanicus) është një nga gjitarët më të rrallë në Evropë.