“Kina e sheh Indinë si rivale, kërkon të zhvendosë SHBA-të”

Sipas një raporti nga Departamenti i Shtetit i SHBA-ve, Kina e sheh Indinë si një rivale dhe dëshiron të zhvendosë SHBA-në si fuqia kryesore e botës, raporton Anadolu Agency (AA).

"Kina e percepton rritjen e Indisë si një shtet rival dhe kërkon ta shtyjë atë për të akomoduar ambiciet e Pekinit duke u angazhuar ekonomikisht teksa kufizon partneritetin strategjik të New Delhit me SHBA-të, Japoninë, Australinë dhe marrëdhëniet e saj me demokracitë e tjera", thuhet në raportin 74 faqesh.

Argumentohet se Partia Komuniste Kineze (PKK) shkaktoi një epokë të re të konkurrencës së fuqisë së madhe dhe se vetëdija për këtë ka filluar të rritet në SHBA dhe kombet e tjera në botë.

"PKK synon të rishikojë thelbësisht rendin botëror, duke vendosur Republikën Popullore të Kinës (RPK) në qendër dhe duke i shërbyer qëllimeve autoritare të Pekinit dhe ambicieve hegjemonike", thekson raporti.

Raporti theksoi se PKK po zhvillon një ushtri "të klasit botëror" për të rivalizuar dhe përfundimisht duke tejkaluar SHBA-të dhe aktualisht po vazhdon drejt rajonit Indo-Paqësor.

Ekonomikisht, PKK përpiqet t'i bëjë kombet dhe shoqëritë e huaja në botë më akomoduese për karakterin e saj dhe të riformojë organizatat ndërkombëtare në përputhje me formën e socializmit të Kinës, theksohet në raport.

Departamenti i shtetit pretendon se Kina, ekonomia e dytë më e madhe në botë, po përdor metoda "mashtruese" dhe "të paligjshme" për të kapërcyer vendet e zhvilluara dhe për t'u bërë forca dominuese në ekonominë globale.

Raporti argumenton se Pekini ka bërë vjedhje të pronës intelektuale, ndjek kontrollin në zinxhirët kryesorë globalë të furnizimit, kërkon dominimin botëror në sektorë kritikë të teknologjisë së lartë siç është 5G, përpiqet të zgjerojë tregjet e huaja për kompanitë kineze dhe përdor aksesin në tregjet e huaja të kapitalit.

Në mënyrë që t'i kundërvihet rritjes së Kinës, thuhet se SHBA duhet të ruajë rendin ndërkombëtar "të lirë dhe të hapur" dhe të forcojë aleancat e saj me vendet e tjera.