Abbas dhe Sisi biseduan për çështjen palestineze

Presidenti palestinez, Mahmoud Abbas, ka biseduar të martën me homologun e tij egjiptian, Abdel Fattah al-Sisi, për zhvillimet politike palestineze dhe marrëdhëniet dypalëshe, transmeton Anadolu Agency (AA).

Hussein al-Sheikh, ministri palestinez i Çështjeve Civile, e përshkroi takimin Abbas-Sisi në twitter si "pozitiv, konstruktiv dhe të detajuar".

Agjencia palestineze e lajmeve WAFA njoftoi se Abbas i raportoi Sisit për "shkeljet izraelite të të drejtave palestineze në territoret e pushtuara, duke përfshirë vendet e shenjta në Kudsin Lindor.

Presidenti palestinez e uroi Sisin për organizimin e Forumit të katërt Rinor Botëror në Sharm el-Sheikh të Egjiptit.

Sisi përsëriti mbështetjen e Egjiptit për çështjen palestineze.

Abbas mbërriti në Egjipt të dielën me ftesë të Sisit për të marrë pjesë në Forumin Rinor Botëror.