Afrikë, mbi 30 për qind e pacientëve me COVID-19 shërohen

Mbi 30 për qind e pacientëve me koronavirus të ri (COVID-19) në kontinentin e Afrikës janë shëruar, transmeton Anadolu Agency (AA).

Të dhënat nga Qendrat e Afrikës për Parandalimin dhe Kontrollin e Sëmundjeve (Africa CDC) tregojnë se numri i rasteve në kontinent ka arritur në 33.272 dhe deri më tani janë shëruar 10.091 persona.

Numri i të vdekurve nga COVID-19 në Afrikë ka shkuar në 1.467.

Vendet me numrin më të madh të rasteve janë Afrika e Jugut, Egjipti, Maroku, Algjeria, Kameruni, Gana, Nigeria, Bregu i Fildishtë dhe Xhibuti.