Çekia ngrin asetet shtetërore të Rusisë

Çekia vendosi të ngrijë asetet shtetërore ruse në vend, raporton Anadolu.

"Me sugjerimin tim, qeveria miratoi sot ngrirjen e aseteve shtetërore ruse në Republikën Çeke", shkroi të mërkurën ministri i Jashtëm Jan Lipavsky në X.

"Aktivitetet komerciale nga të cilat Rusia financon vrasjen e ukrainasve përfundojnë këtu", shtoi ai.

Kryediplomati ukrainas Dmytro Kuleba falënderoi qeverinë çeke dhe Lipavsky për vendimin në fjalë.

"Të gjitha vendet që ende nuk e kanë bërë këtë duhet të ndjekin shembullin. Paratë ruse duhet të përdoren për rimëkëmbjen e Ukrainës në vend të vrasjeve dhe shkatërrimit", tha Kuleba.