COVID-19, Indi mbi 5.000 raste brenda një dite

India raportoi rritjen më të madhe ditore të rasteve me koronavirus të ri (COVID-19) me 5.242 raste në 24 orët e fundit, transmeton Anadolu Agency (AA).

Sipas lajmit të kanalit NDTV, në njoftimin e bërë nga Ministria e Shëndetësisë dhe Mirëqenies së Familjes, thuhet se në 24 orët e fundit janë shënuar 5.242 raste duke e rritur numrin e përgjithshëm në 96.169.

Ky numër është rritja më e madhe e rasteve ditore që nga 30 janari kur për herë të parë u konfirmua virusi në vend.

Numri i të vdekurve është rritur për 157 brenda një dite duke arritur në 3.029. Deri më tani janë shëruar 36.824 persona.