Francë, punonjësit e hekurudhës reduktojnë orarin e punës

PARIS (AA) - Punonjësit e hekurudhës në Francë në shenjë revolte për përmirësimin e kushteve e kanë reduktuar orarin e punës, raporton Anadolu Agency (AA).

Në deklaratën e saj Kompania Hekurudhore e Francës SNCF, njoftoi se trenat e shpejt ndërurban TGV do të shërbejnë me gjysëm kapacitet dhe se do të reduktohen udhëtimet e trenave brenda qytetit.

Theksohet se në kuadër të vendimit për reduktimin e orarit të punës që filloi mbrëmë dhe do të mbarojë sonte, në disa rajone të Parisit numri i trenave do të përgjysmohet, ndërsa në disa rajone të tjera do të reduktohet në një të tretat.