Gjendet kutia e dytë e zezë e avionit të rrëzuar në Detin e Zi

MOSKË (AA) – Ministria e Mbrojtjes e Rusisë ka njoftuar për gjetjen e kutisë së dytë të zezë të avionit Tu-154 i cili të dielën u rrëzua në Detin e Zi, raporton Anadolu Agency (AA).

Ministria njofton se kutia e dytë e zezë e avionit në të cilin gjendeshin 92 persona është gjetur nga zhytësit, dhe se për një kohë të shkurtër pas gjetjes është dërguar në Moskë ku do të kryhen ekspertizat mbi të.

Deri më sot janë gjetur trupat e pajetë të 17 personave që kanë qenë në bord, 13 prej të cilëve janë dërguar në Moskë.

Që nga e diela, nga uji është nxjerrë një kuti e zezë dhe rreth 1.500 pjesë të avionit. Avioni rus i tipit Tu-154 u nis nga Moska dhe pasi është furnizuar në Soçi me lëndë djegëse ka vazhduar rrugën drejt Sirisë.

Avioni kishte në bord një ekip i cili do të jepte koncert në bazën ushtarake ruse në Siri, Himejmim.