Gjermani, Bärbel Bas zgjidhet kryetare e Bundestagut

Kandidatja e Partisë Socialdemokrate (SPD), Bärbel Bas u zgjodh kryetare e Bundestagut në Gjermani, transmeton Anadolu Agency (AA).

Në zgjedhjet e mbajtura në asamblenë e parë të përgjithshme pas zgjedhjeve të 26 shtatorit, Bas mori 576 vota nga 724 deputetët që morën pjesë në votim dhe u bë kryetare e mandatit të 20-të legjislativ.

Pas zgjedhjes, Bas falënderoi deputetët. "Unë do të jem kryetare e të gjithë deputetëve", tha ajo.

Bas është kryetarja e tretë grua që zgjidhet në këtë post.

Pas votimit ajo mori postin nga ish-presidenti, Wolfgang Schaeuble.

Kandidatë për zëvendës kryetari i Bundestagut janë: Yvonne Magwas nga Partia Kristian Demokratike (CDU), Claudia Roth nga të Gjelbrit (Die Grünen), Wolfgang Kubicki nga Demokratët e Lirë (FDP), Petra Pau nga Partia e Majtë (Die Linke) dhe nga e djathta ekstreme gjermane nga Partia Alternative (AfD), Michael Kaufmann.