Gjermania u kërkon protestuesve që të mbajnë distancë sociale

Qeveria gjermane u ka bërë thirrje njerëzve që marrin pjesë në protestat kundër racizmit që t'i përmbahen rregullave të distancës per shkak të koronavirusit, transmeton Anadolu Agency (AA).

Së paku 15.000 persona protestuan në Berlin dhe 25.000 protestuan në Mynih të shtunën, ndërsa protesta u zhvilluan në qytete tjera gjermane si pjesë e demonstratave globale kundër racizmit dhe brutalitetit të policisë që pasuan me vdekjen e 25 majit të amerikanit George Floyd.

Në disa raste, protestuesit ishin të ngushtë së bashku, pavarësisht kërkesave që njerëzit të qëndronin larg 1.5 metra.

Zëdhënësi i kancelares Angela Merkel, Steffen Seibert, sot tha se "është mirë nëse njerëzit dalin në rrugë në Gjermani, si dhe me një deklaratë të qartë kundër racizmit".

Por thuhet se "imazhet që në disa raste u shfaqën gjatë fundjavës nuk janë të mira. Të dy gjërat duhet të jenë të mundshme: të demonstrosh në mënyrë paqësore, e cila është një e drejtë themelore, dhe t’u përmbahesh rregullave (distancimin social)".

Më tej thuhet se shumë demonstrues "krijuan rrezik të madh për veten dhe të tjerët."

Gjermania është vlerësuar gjerësisht për trajtimin e admiruar të pandemisë.