Hapet samiti vjetor arab në Algjeri

Samiti i 31-të arab ka nisur në kryeqytetin Algjer, për herë të parë që nga viti 2019 për shkak të shpërthimi të pandemisë COVID-19, raporton Anadolu Agency (AA).

Në samitin dyditor po marrin pjesë 16 presidentë arab, përfshirë liderin e Algjerisë, Tunizisë, Katarit, Sudanit dhe Egjiptit.

Mbreti maroken, Mohammed VI, ka anashkaluar samitin. Po ashtu edhe princi i kurorës saudite, Mohammed bin Salman, nuk merr pjesë për “arsye shëndetësore”.

Në samitin arab merr pjesë edhe sekretari i përgjithshëm i Kombeve të Bashkuara (OKB), Antonio Guterres dhe presidenti i Azerbajxhanit, Ilham Aliyev.

Tunizia është vendi i fundit që organizoi samitin në vitin 2019.