Hungari, siriani i përfshirë në trazirat e kufirit do të lirohet

BUDAPEST (AA) – Hungaria do të lirojë një shtetas sirian që po vuan dënimin me burg për pjesëmarrje gjatë trazirave në kufi në vitin 2015, njoftuan të premten nga Gjykata e Apelit në Szeged, transmeton Anadolu Agjenci (AA).

“Ahmed H. u dënua për pjesëmarrje në një akt terrorist dhe u dënua me shtatë vjet burg. Gjykata e Apelit në Szeged e konfirmoi atë, por gjithashtu e reduktoi dënimin me pesë vjet burg ", tha zëdhënësja e gjykatës, Laszlo Soros, për mediat hungareze.

Ai do të lirohet me kusht më 19 janar pas vuajtjes së dy të tretave të dënimit prej pesë vitesh.

Në shtator të vitit 2015 Ahmed H. u fajësua se iu bashkangjit qindra migrantëve të cilët tentuan të hyjnë në Hungari nga Serbia duke hedhur gurë ndaj policisë hungareze. Kundër tij u ngrit aktakuzë pasi me një grup migrantësh depërtoi rrethojën në post bllokun Roszke dhe së bashku me to hyri në Hungari.

Hungaria atëherë përdori gaz lotsjellës dhe topa uji për të shpërndarë migrantët.