Ekip
25 Nëntor 2016•Përditësim: 26 Nëntor 2016
TUBAN (AA) - Mijëra indonezianë u mblodhën para ambasadës së Mijanmarit në Xhakarta të dielën për të protestuar kundër dhunës ndaj muslimanëve Rohingya në Mijanmar, raporton Anadolu Agency (AA).
Pas namazit të xhumasë, rreth 2.000 protestues që mbanin parulla me mbishkrimet "Stop gjenocidit kundër Rohingya në Mijanmar" dhe "Mbroni muslimanët Rohingya nga abuzimi" filloi marshi me rreth dy kilometrash para Zyrës lokale të Kombeve të Bashkuara.
Një nga protestuesit, Mohamad Syukur Mandar, i kërkoi qeverisë së Mijanmarit që menjëherë të ndalë dhunën e fundit në shtetin Rakhine të Mijanmarit dhe i kërkoi komunitetit ndërkombëtar që të zgjidhë këtë çështje.
"Ne i bëjmë thirrje qeverisë indoneziane që në mënyrë aktive të marrë një rol në këtë çështje", citohet të ketë thënë Mandar.
Protesta të ngjashme janë mbajtur edhe para ambasadës së Mijanmarit në Bangkok dhe Kuala Lumpur të premen.
Thirrje për protesta kanë bërë edhe disa organizata islamike, të cilat gjithashtu kanë për qëllim që të tregojnë solidaritet me muslimanët Rohingya, të cilët janë duke u përballur me shtypjen për vite me rradhë.
Në gjashtë javët e fundit, grupet e të drejtave kanë shprehur shqetësim mbi raportet e vrasjeve, përdhunimeve, arrestimeve arbitrare dhe shkeljeve të tjera në fshatrat Rohingya në zonën e trazuar Rakhine, pas operacioneve ushtarake të nisura pas sulmeve
vdekjeprurëse në stacionet policore të 9 tetorit.
Ata kanë bërë thirrje për hetime të pavarura ndaj sulmeve, vazhdimin e operacioneve dhe shkeljeve të të drejtave të raportuara në rajon.
Zona ka qenë e vendosur nën një bllokim ushtarak, duke mos lejuar hyrjen e grupeve ndërkombëtare për të drejtat e njeriut dhe gazetarët.
Disa nga grupet kishin planifikuar fillimisht që tubimi i madh të jetë kundër guvernatorit të Xhakartës, i cili është akuzuar për fyerje të Kur'anit, por në vend të kësaj protestuesit u përcaktuan që të mbështesin muslimanët në Mijanmar.
