Kinë, rritet numri i viktimave nga rrëshqitja e dheut

Nga rrëshqitjet e dheut që kanë përfshirë provincën kineze Guizhou kanë humbur jetën të paktën 36 persona, transmeton Anadolu Agency (AA).

Media shtetërore kineze CCTV ka njoftuar se nga rrëshqitja e dheut e cila goditi rajonin Shuicheng më 23 korrik, numri i të vdekurve është rritur në 36 persona ndërsa po kërkohen 15 të tjerë.

Informatat e marra nga terreni thonë se në 23 shtëpi të shkatërruara kanë jetuar 77 persona dhe se 8 persona kanë qenë aty me punë apo për vizitë.

Nga gjithsej 85 persona, 23 ishin jashtë objekteve, ndërsa 11 të lënduarve u është ofruar trajtimi mjekësor.