Londër, rifillojnë fluturimet në aeroportin Heathrow

LONDËR (AA) – Trafiku ajror në aeroportin londinez Heathrow ka vazhduar pas ndërprerjes njëorëshe për shkak të paraqitjes së dronëve, transmeton Anadolu Agency (AA).

Zyrtarët e aeroportit më frekuentues evropian njoftuan se pas një ndërprerjeje të shkurtër, vendosën të lejojnë fluturimin e avionëve, duke shtuar se edhe më tej me kujdes do të ndjekin situatën.

Pasagjerët të cilat ishin prekur me këtë, aeroporti u kërkoi ndjesë për shkak të situatës së pakëndshme.

Në këtë aeroport të Londrës, të gjitha fluturimet u ndërprenë të martën mbrëma pasi një dron ishte vërejtur pranë aeroportit.

Pezullimi i fluturimeve ndikoi vetëm në pistën veriore të përdorur nga fluturimet nisëse.

Nga mesi i dhjetorit, po ashtu për shkak të dronëve, u pezulluan fluturimet edhe në aeroportin tjetër britanik Gatwick.