Një i vdekur dhe dy të plagosur në një aksident ajror në Pensilvani

Një pilot humbi jetën dhe dy ushtarë të shtetit u plagosën kur një helikopter i policisë së shtetit u përplas me një aeroplan të vogël gjatë një stërvitje në një aeroport qendror të Pensilvanisë të mërkurën në mbrëmje, transmeton Anadolu.

Përplasja ndodhi në Aeroportin Rajonal Carlisle në Qarkun Cumberland, rreth 193 kilometra në perëndim të Philadelphias, tha policia, sipas CNN.

Ekuipazhi i helikopterit prej dy personash po kryente stërvitje rutinë në një zonë me bar pranë një piste kur një Cessna Model 150 me dy ulëse goditi helikopterin nga pas pasi udhëtoi në pistë dhe u kthye djathtas, tha në një konferencë shtypi ushtruesi i detyrës së Komisionerit të Policisë së Shtetit, nënkoloneli George Bivens.

Helikopteri ishte "disa këmbë nga toka" kur ndodhi përplasja, tha Bivens. "Pilotët nuk do të kishin mundur as ta shihnin atë aeroplan që po iu afrohej," tha ai, duke e quajtur atë "një përplasje shumë të dhunshme".

Bivens tha se të dy pilotët fillimisht ishin bllokuar brenda helikopterit. Një punonjës arriti të shtynte një dritare dhe të ndihmonte tjetrin të shpëtonte përpara se të vinin reaguesit e urgjencës.