OKB: Mungesa e financimit rrezikon përhapjen e COVID-19 në Jemen

Kombet e Bashkuara (OKB) paralajmëruan se koronavirusi i ri (COVID-19) dhe reagimi më i gjerë humanitar mbeten jashtëzakonisht të dobët në Jemen, duke rrezikuar një rritje të përhapjes së pandemisë në vendin e shkatërruar nga lufta, transmeton Anadolu Agency (AA).

"Agjencitë e ndihmës kanë muaj që veprojnë mbi bazën se ka një transmetim të plotë komuniteti të virusit COVID-19 në Jemen dhe ata vazhduan të përqendrojnë përpjekjet për t'i dhënë fund transmetimit të virusit", tha Zyra e OKB-së për Koordinim të Çështjeve Humanitare (UNOCHA).

UNOCHA tha se agjencitë e ndihmave kanë shpërndarë mijëra tonë metrikë furnizimesh dhe pajisjesh, duke mbështetur gatishmërinë klinike për COVID-19 dhe ruajtjen e sistemit të shëndetit publik në vend.

UNOCHA paralajmëroi se kriza e karburantit që goditi Jemenin në qershor po kërcënon hyrjen e ushqimit, operacioneve spitalore dhe furnizimeve me ujë që janë vendimtare për të parandaluar transmetimin e virusit.

"Për më tepër, COVID-19 po kontribuon në një rënie ekonomike në Jemen, duke rrezikuar aftësinë e familjeve për të përmbushur nevojat e tyre themelore dhe duke rritur nevojat humanitare dhe cënueshmërinë ndaj virusit", tha UNOCHA.

Sipas deklaratës, 80 për qind e dërgesave me vlerë prej 3.8 miliardë dollarë në vitin 2019 janë "tharë", së bashku me një rritje në koston e shportës minimale të ushqimit me deri në 35 për qind në disa zona.

"Ashtu sikurse COVID-19, edhe përgjigja e gjerë humanitare mbeten jashtëzakonisht të dobëta, duke rrezikuar një rritje të përhapjes së COVID-19 dhe duke rrezikuar aftësinë e partnerëve humanitar për t'u përgjigjur", tha UNOCHA.

Autoritetet jemenase deri më tani kanë regjistruar 1.516 infeksione të koronavirusit, përfshirë 429 vdekje dhe 685 të shëruar.

Jemeni është tronditur nga dhuna dhe paqëndrueshmëria që nga viti 2014, kur rebelët Huthi pushtuan pjesën më të madhe të vendit, përfshirë kryeqytetin Sana.

Një koalicion i udhëhequr nga Arabia Saudite që synon të rikthejë në pozitën e mëparshme qeverinë jemenase ka përkeqësuar situatën, duke shkaktuar njërën nga krizat më të këqija humanitare të bëra nga njeriu pasi miliona janë në prag të urisë.