Parandalohet një sulm vetëvrasës në Irak

Në provincën veriore të Irakut, Kirkuk, sot është parandaluar një sulm vetëvrasës me bombë ndaj Drejtorisë së Sigurisë Kombëtare, transmeton Anadolu Agency (AA).

Sulmuesi vetëvrasës me bombë u qëllua për vdekje në tentimin për të depërtuar në ndërtesën e Drejtorisë, njoftuan autoritetet.

Dy pjesëtarë të sigurisë u plagosën në incident, thuhet në deklaratën, në të cilën nuk u dhanë detaje të mëtejshme.