Përfundon kriza e pengjeve në Ukrainë

KIEV (AA) - Janë liruar gjashtë personat e fundit që ishin mbajtur peng në postën në Kharkov të Ukrainës, pas një krize pengjesh e cila ndodhi mbrëmë, raporton Anadolu Agency (AA).

Presidenti ukrainas Petro Poroshenko në rrjetin social konfirmoi operacionin e njësisë speciale dhe se është kapur personi që mbante pengjet në postë. Të gjitha pengjet u shpëtuan pa lëndime.

Shefi i policisë ukrainase, Sergej Knyazev deklaroi se pengjet nuk kanë pësuar asgjë dhe se të gjithë u shpëtuan.

Nuk është zbuluar identiteti i personave të dyshuar, kurse në vijim janë hetimet rreth rastit. Një person mbrëmë mori peng 11 persona në Kharkov të Ukrainës. Pas një kohe të shkurtë u shpëtuan pesë persona, gra dhe fëmijë.