Regjimi i Asadit njofton hyrjen e "forcave popullore" në Afrin

ANKARA (AA) - Regjimi i Bashar Asadit në Siri njoftoi se një grup i emëruar si "forcat popullore" do të hyjë në rajonin e Afrinit të pushtuar nga organizata terroriste PYD/PKK, transmeton Anadolu Agency (AA).

Agjencia zyrtare e lajmeve e regjimit SANA njoftoi se brenda disa orësh në rajonin e Afrinit do të mbërrijnë njësitë e emëruara si "forcat popullore".

Organizata terroriste PYD/PKK, pasi ka humbur kontrollin në më shumë se 70 pika si rezultat i Operacionit "Dega e Ullirit" të udhëhequr nga forcat turke, ka përshpejtuar pazarllëqet me regjimin për hyrjen në Afrin.

Në një lajm të AA-së sot më herët u njoftua se një njësi simbolike e regjimit do të vendoset në vijën e frontit me forcat turke dhe Ushtrinë e Lirë Siriane, siç është bërë në Menbixh në Operacionin "Mburoja Eufratit", dhe se PYD/PKK ka rënë dakor për modelin e Menbixhit.