Rusia dhe Ukraina formojnë grup pune për korridoret humanitare

Rusia dhe Ukraina krijuan një grup pune për të adresuar krijimin e korridoreve humanitare në zonën e luftës, raporton Anadolu Agency (AA).

Anëtar i ekipit negociator ukrainas, Mikhail Podolyak, në një konferencë për media në Brest, Bjellorusi, tha se Kryqi i Kuq Ndërkombëtar do të shërbejë si ndërmjetës pasi Ukraina nuk i beson palës ruse.

"Pozicioni i Federatës Ruse është i ashpër, por pozicioni i Ukrainës është gjithashtu i ashpër, kështu që negociatat do të jenë të vështira, por ato do të vazhdojnë me të vërtetë", shtoi ai.

Podolyak tha gjithashtu se raundi i tretë i bisedimeve mund të zhvillohet të shtunën ose të dielën, ku palët do të diskutojnë shkëmbimin e të burgosurve të luftës.

Bisedimet janë duke u zhvilluar në një përpjekje për t'i dhënë fund luftës Rusi-Ukrainë që filloi më 24 shkurt.

Lufta e Rusisë ndaj Ukrainës ka shkaktuar zemërim nga komuniteti ndërkombëtar. BE, Britania e Madhe dhe SHBA zbatojnë një sërë sanksionesh ekonomike ndaj Rusisë.