Sadiq Khan: Jo trajtim VIP për Trumpin në Britaninë e Madhe

LONDËR (AA) – Kryebashkiaku i Londrës, Sadiq Khan, deklaroi të dielën se presidenti amerikan Donald Trump nuk duhet pritur për vizitë shtetërore për shkak të, siç tha ai, politikave “të ashpra dhe të turpshme” ndaj emigrantëve, transmeton Anadolu Agency (AA).

Khan deklaroi se presidentit amerikan i duhet hequr trajtimi VIP kur të udhëtojë në Britaninë e Madhe për shkak të ndalesës së nënshkruar nga ai për të hyrë në SHBA për shtetasit e shtatë vendeve me shumicë muslimane dhe ndalesën e hyrjes së refugjatëve.

“Konsideroj se ndalesa e hyrjes së shtetasve të shtatë shteteve dhe pezullimi i programit të refugjatëve është e ashpër dhe e turpshme. Në këto rrethana nuk duhet shtruar qilimi i kuq”, tha Khan për televizionin ITV.

Deputetët britanikë më 20 shkurt do të debatojë për peticionin të cilin mbi 1.6 milionë persona e kanë nënshkruar, në të cilin kërkohet anulimi i vizitës së planifikuar shtetërore të presidentit amerikan Donald Trump për të “evituar turpërimin e mbretëreshës Elizabeta II. Vizita shtetërore zakonisht përfshin pritje tek Elizabeta II në Pallatin Buckingham.