SHBA, të vaksinuarve u lejohet të mblidhen pa maska

Qendra Amerikane për Kontroll dhe Parandalim të Sëmundjeve (CDC) bëri të ditur se personat që kanë marrë të dyja dozat e vaksinës kundër koronavirusit të ri (COVID-19) mund të mblidhen pa mbajtjen e maskave mbrojtëse, transmeton Anadolu Agency (AA).

CDC njoftoi se shtetasit amerikanë që kanë marrë të dyja dozat e vaksinës kundër COVID-19 do të jenë të sigurt dhe mund të mblidhen pa nevojën e mbajtjes së maskave, me kusht t’i përmbahen rregullit të distancimit fizik.

Një person që ka marrë edhe dozën e dytë të vaksinës pas dy javësh do të konsiderohet plotësisht i mbrojtur nga COVID 19.

CDC deklaroi se të rriturit që janë vaksinuar do të lejohen të takohen me nipër dhe fëmijë të shëndetshëm nën të njëjtën çati.

Drejtoresha e CDC-së dr. Rochelle Walensky, theksoi se në luftën kundër pandemisë së COVID-19, është shumë e rëndësishme të vaksinohen sa më shumë njerëz që të jetë e mundur.

Ajo shtoi se ky është "hapi i parë" drejt kthimit në normalitet kur njerëzit do të jenë në gjendje të mblidhen përsëri të sigurt, duke theksuar se ulja e numrit të rasteve të infeksionit dhe vdekjeve gjithnjë e më shumë do të zbuten dhe masat ekzistuese kufizuese.

Sipas të dhënave të CDC-së, deri tani janë vaksinuar rreth 31 milionë amerikanë.

Nga ana tjetër, guvernatori i Wyoming-ut, Mark Gordon, deklaroi se në tërë shtetin federal do të hiqen masat e mbajtjes së maskave dhe nga 16 marsi do t’u mundësohet restoranteve, bareve, teatrove dhe qendrave të fitnesit të vazhdojnë me punën normale.

Gordon e arsyetoi vendimin për heqjen e ndalimeve me numrin në rënie të rasteve aktive dhe shtrimeve në spital për shkak të COVID19, si dhe procesin e vaksinimit në shtet.