Ekip
02 prill 2021•Përditësim: 05 prill 2021
Selia lokale e Podemos, partisë politike të ekstremit të majtë në koalicionin qeverisës të Spanjës, u sulmua me bombë dhe u vandalizua herët në mëngjes në qytetin Kartagjena, transmeton Anadolu Agency (AA).
Pamjet e kamerave të sigurisë tregojnë një të panjohur duke shkruar fyerje në dritaret e zyrës, si dhe duke hedhur një gjë që duket si një koktej molotovi dhe duke e hedhur atë në ndërtesë.
Zyra u mbyll pasi askush nuk u lëndua, por shpërthimi shkaktoi një zjarr që shkaktoi dëme të konsiderueshme në pjesën e jashtme të ndërtesës.
Pablo Iglesias, kreu i partisë Podemos të Spanjës, për sulmin fajësoi ekstremistët e djathtë, duke thënë se partia nuk do të frikësohet nga "terrorizmi i tyre në rrugë".
Sipas Javier Sanchez Serna, kreu i partisë në rajonin jugor Murcia, ku ndodhi sulmi, kjo është hera e gjashtë që zyra ishte sulmuar që kur u hap më pak se tetë vjet më parë.
Dega lokale e Podemos ka bërë një ankesë në polici.
Politikanët të tjerë janë shkrehur të bindur se "pasuesit e rinj të Vox", partisë së ekstremit të djethtë, qëndrojnë prapa sulmit.
Vox erdhi në skenën politike të Spanjës në vitin 2018 duke regjistruar rritje të popullaritetit të saj që nga atëherë. Në zgjedhjet kombëtare të Spanjës në vitin 2019, ajo u bë forca e tretë politike më e votuar, kurse në fillim të këtij viti arriti partitë e qendrës së djathtë në zgjedhjet rajonale të Katalonjës.
Një raport i vitit 2020 mbi terrorizmin e djathtë nga Qendra e Kërkimit mbi Ekstremizmin zbuloi se Spanja kishte nivelin e katërt më të lartë të dhunës së ekstremit të djathtë të Evropës Perëndimore, pas Gjermanisë, Italisë dhe Britanisë së Madhe.
Sipas raportit, kundërshtarët politikë si antifashistët dhe separatistët katalanas janë grupet kryesore të sulmeve të krahut të djathtë në Spanjë.
